RUTA 1: COÑECENDO LUGO

Ruta pensada para persoas con mobilidade reducida, con indicacións prácticas para usuarios e usuarias en cadeira de rodas, é unha ruta longa que percorre os principais atractivos turísticos.

Percorrido: Casa Consistorial de Lugo- Igrexa de Santiago "A Nova"- Monumento ao Bimilenario- Igrexa de Santo Domingo- Pazo de San Marcos- Igrexa de San Froilán- Igrexa de San Pedro- Capela da Soidade- Museo Provincial- praza do Campo- Centro de Interpretación da Muralla- Porta Miñá- Sala de Exposicións Porta Miñá- Porta de Santiago- Muralla Romana- Catedral- Porta Norte da Catedral- Pazo Episcopal.

RUTA 2: LUGO BÁSICO

É unha ruta ideada para persoas con bastóns que non poidan ou non queiran realizar unha ruta tan longa coma a anterior. Percorre os puntos turísticos clave da cidade.

Percorrido: Casa Consistorial de Lugo- Casa dos Mosaicos- praza do Campo- Centro de Interpretación da Muralla -Catedral- Muralla Romana- Porta Miñá- Porta Norte da Catedral- Pazo Episcopal.

RUTA 3: MIÑO ABERTO, RÍO ABAIXO, RESERVA DA BIOSFERA "TERRAS DO MIÑO"

Esta camiñada é un paseo delicioso, inmediato á cidade, e constitúe un dos privilexios únicos de Lugo, xa que a cidade conta cuns arredores fluviais esplendorosos.
Percorre enteiramente polo Parque do Miño, espazo que se integra na Reserva da Biosfera "Terras do Miño". O Miño, río maior de Galicia, móstrase aquí aberto e luminoso.

Lonxitude: 1,6 km
Duración aproximada: a pé, 1 h
Modo de percorrido e dificultade: a pé e en bicicleta, dificultade baixa.
Accesibilidade: accesible para persoas con problemas de mobilidade.