| Que é o Plan de excelencia turística de Lugo? |
| O Plan de excelencia turística de Lugo é unha iniciativa conxunta do Ministerio de Industria, Turismo e Comercio, a través da Secretaría Xeral de Turismo, da Consellería de Innovación e Industria, a través da Dirección Xeral de Turismo, do Concello de Lugo e da Asociación Provincial de Empresarios de Hostalería de Lugo. Nace ao amparo do Plan integral de calidade para o turismo español e das súas medidas para o desenvolvemento sostible dos destinos turísticos. A toma de decisións faise de maneira colexiada na Comisión de Seguimento do Plan, que aproba as actuacións para realizar. A xerencia do plan actúa como soporte técnico á comisión, da que depende funcionalmente. O seu cometido é xestionar e executar o plan, así como impulsar a mellora da calidade dos servizos turísticos e a implicación dos axentes locais nunha cultura de calidade, colaborando na reflexión estratéxica de Lugo como destino turístico. Ten unha vixencia de tres anos, pero a súa vocación é ser a primeira pedra para o desenvolvemento turístico de Lugo a medio prazo. |
| Obxectivos do PET |
|
1. Incremento fluxos turísticos e reforzo do turismo cualitativo
2. Desestacionalizar e prolongar a estadía media
3. Mellora ou desenvolvemento do produto turístico. Facer unha oferta diferenciada que mellore e amplíe a oferta actual con contidos que inviten a esa prolongación
4. Mellorar a atención ao visitante
5. Mellora da calidade
6. Sensibilización social e empresarial do turismo como industria
7. Impulsar estruturas de xestión que articulen aos diferentes axentes implicados
8. Crear imaxe de destino turístico
9. Adecuada comunicación e comercialización
|
| Actuacións do PET |
| A inversión do PET |
| O investimento do PET de Lugo no municipio é de 3.000.600 euros achegados, en partes iguais, polo Ministerio de Industria, Turismo e Comercio, a Consellería de Innovación e Industria e o Concello de Lugo. |
| Suxestións |
|
Desde o Plan de excelencia turística poñemos á súa disposición a seguinte caixa de correo para as suxestións. O que vostede opina é do noso interese. Por favor, cubra o seguinte formulario para facernos chegar as súas achegas.
|
| Ligazóns |
| Secretaría Xeral de Turismo: www.mcx.es |
| Dirección Xeral de Turismo: www.xunta.es |
| Concello de Lugo: www.lugo.es |
| Asociación Provincial de Empresarios de Hostalería de Lugo: www.apehl.org |
